చాలాకాలానికి కలిసిన ప్రియుడుతో మళ్లీ సహజీవనం చేయాలని అతనితోనే ఉండి పోవాలి అన్న కుట్రతో ఓ మహిళ తన భర్తను దారుణంగా చంపేసింది. భార్యను అమితంగా ప్రేమించే అమాయకుడైన భర్త ప్రేమ ఆమె మోసానికి కామ దాహానికి బలైపోయింది . బెంగళూరులోని యశ్వంతపుర ప్రాంతంలో తెలుగువాడైన శంకర్ రెడ్డి ఒక ప్రైవేట్ కంపెనీలో అకౌంటెంట్ గా పని చేస్తున్నాడు . తిరుపతికి చెందిన ఢిల్లీ రాణి అనే యువతిని 9 ఏళ్ల క్రితం పెళ్లి చేసుకున్నాడు . వారికి ఒక కొడుకు కూడా ఉన్నాడు .
గత గురువారం రోజు ఆ బాలుడు అర్ధరాత్రి సమయంలో లేచి కేకలు పెడుతూ తన తల్లి ,తండ్రి రక్తపు మడుగులో ఉన్నారంటూ ఇంటి యజమాని కి సమాచారం అందించాడు . పోలీసులు వచ్చి భార్యాభర్తలిద్దరినీ ఆస్పత్రికి తరలించారు. హాస్పిటల్ కి , తీసుకు పోయే సమయానికి శంకర్ రెడ్డి చనిపోయి ఉన్నాడు. ఢిల్లీ రాణి గాయాలతో చికిత్స పొందుతోంది . పోలీసులు హత్య ఎలా జరిగింది అని విచారించారు . గుర్తుతెలియని వ్యక్తులు తమ ఇంట్లోకి చొరబడి తన భర్తను చంపి తన మెడలో తాళి బొట్టు కూడా తెంచుకుని వెళ్లిపోయారని ఢిల్లీ రాణి చెప్పింది .
తనకున్న గాయాలను చూపించింది . అయితే ఆమె మెడలో గొలుసు గాని తాళిబొట్టు గాని పోలేదని పోలీసులకు తెలిసింది. ఈ విషయాన్ని వాళ్ళు నిర్ధారించుకున్నారు . డాక్టర్ల నివేదిక ప్రకారం ఆమె చేతికి ఉన్న గాయాలు ఆమె స్వయంగా చేసుకునే విధానం అని ఇతరులు చేసిన గాయాలు కాదని చెప్పారు. దీంతో పోలీసులు తమదైన స్టైల్లో ఢిల్లీ రాణిని విచారించారు . విచారణలో తన ప్రియుడు కోసం తానే భర్తను హత్య చేశానని ఢిల్లీ రాణి ఒప్పుకుంది.
హత్యకు ఉపయోగించిన కత్తిని కూడా పోలీసు స్వాధీనం చేసుకుంది. నిద్రపోతున్న భర్తను , కత్తితో పొడిచి చంపేసినట్టు అంగీకరించింది. ఆమె గ్రామానికి చెందిన దూరపు బంధువుతో పెళ్లికి ముందు నుంచే వీళ్ళిద్దరికీ అక్రమ సంబంధం ఉండేది . పెళ్లయిన తర్వాత కొంతకాలం పాటు దూరంగానే ఉన్నప్పటికీ ఆ తర్వాత ఇద్దరూ మళ్ళీ పాత ప్రేమాయణాన్ని మొదలుపెట్టారు . దీంతో భర్తను చంపి ప్రియుడుతో , ఉండిపోవాలని భర్త హత్యకు ప్లాన్ చేసింది. దీనిలో ప్రియుడు పాత్రఏమిటో విచారిస్తున్నామని పోలీసులు చెప్పారు..