ఆమె పుట్టుకతో అంధురాలు.. పేరు పాయల్ శర్మ.. అంధురాలైనా చదువులో ఘటికురాలు.. విధి పడదోయాలని ప్రయత్నం చేసినా , ఎదురు నిలిచి విధిని ఓడించింది. తనకిష్టమైన వాడిని పెళ్ళాడి జీవితాన్ని పూలపాన్పు చేసుకుంది.. ఆమెను పెళ్లిచేసుకున్న వ్యక్తి ఎంత ఉత్తముడో , ఉన్నత వ్యక్తిత్వం ఉన్నవాడో తెలుసా.. ? చూడండి..
పాయల్ శర్మ కు ఎంఏ సంస్కృతం పరీక్షలు రాసేందుకు , సహాయకుడు అవసరమైంది. అంధులు పరీక్షలు రాయాలంటే , వారికి ఒక అసిస్టెంట్ ను నియమిస్తారు. అందుకోసం హార్దిక్ అనే యువకున్ని నియమించారు. అతడు బిఎ సంస్కృతం చదవడంతో , ఆమెకు హార్దిక్ ని , అసిస్టెంట్ గా నియమించారు.
ఆమెకు పరీక్షల్లో రైటర్ గా ఉంటూ , ఏర్పడ్డ పరిచయం , నాలుగు సెమెస్టర్లలో ప్రేమగా అంకురించింది. తరువాత , హార్దిక్ తన తల్లితండ్రులతో మాట్లాడి , వారిని ఒప్పించి పాయల్ శర్మను పెళ్లిచేసుకున్నాడు.. ఇది త్యాగం కాదని , తన జీవన రాగంలో సరికొత్త శృతి కలిసిందని హార్దిక్ చెప్పాడు.
