ధరణికి గిరి భారమా , గిరికి తరువు భారమా , తరువుకు కాయ భారమా , కనిపెంచే తల్లికి పిల్ల భారమా … ఈ పాట అర్థం ఏమిటో తెలుసా ?? తల్లి ప్రేమ అనంతం మాటలకందనిది .. అమ్మప్రేమను ఆస్వాదించడంలో ,దాన్ని పొందడం లోనే మానవ జన్మ భూమి పవిత్రం. పుడమి తల్లి కంటే కన్నతల్లి ఓర్పు చాలా గొప్పది. ఈ తల్లిని చూడండి.. వృద్ధాప్యంలో కూడా ఆరోగ్యం సరిగా లేని ,మతిస్థిమితం లేని కొడుకుని తీసుకుని ఎలా తిరుగుతుందో ..??
బలహీనురాలైనప్పటికీ , ఆమె తల్లి ప్రేమ బలీయమైనది . శక్తివంతమైనది .. అది మాటలకందని మమతల మూట . ఈ మహా తల్లికి కొడుకులందరూ చేతులెత్తి నమస్కరించిన కోవలసిన పరిస్థితి. సృష్టిలో మాతృత్వానికి ఈ తల్లి భారమే నిదర్శనం. అది ఆ తల్లికి భారం కాదు , బాధ్యత అనుకుంటుంది. వృద్ధాప్యంలో తల్లిని, తండ్రిని వదిలేసే బిడ్డలకు ఈ తల్లిని చూస్తే అయినా మాతృత్వంలోని , పవిత్రత అర్థమవుతుందేమో ఒకసారి చూడాలి. ఆలోచించాలి. తల్లి ప్రేమ పై కొడుకులకు కనువిప్పు కలగాలి .. తల్లి త్యాగం ఎలా ఉంటుందని తెలుసుకోవాలి. తల్లి మమకారం ఓంకారం కన్నా పవిత్రమైనదని అర్థం చేసుకోవాలి.