ఎనిమిదేళ్లు ప్రేమ పేరుతో చెట్టాపట్టాలేసికొని తిరిగాడు.. పెళ్లి చేసుకుంటానని మాటిచ్చి శారీరకంగా లొంగదీసుకున్నాడు.. ఇంతకాలం వాడుకొని , ఇప్పుడు మరో అమ్మాయిమెడలో తాళికట్టబోతుండగా , ప్రియురాలు కళ్యాణ మండపంలోకి వచ్చింది.. అయితే అక్కడ సీన్ మారింది. పెళ్లి కొడుకు తరపు బంధువులు , ప్రియురాలిని . పిచ్చిదని ముద్రవేసి , కొట్టి , జుట్టు పట్టి ఈడ్చి పారేశారు.. విచిత్రం ఏమిటంటే , ఆ సమయంలో అక్కడేఉన్న పోలీసు , అమ్మాయిని కొట్టి , జుట్టుపట్టి ఈడ్చి పారేస్తున్నా , చూస్తూ మౌనంగా ఉండిపోయాడు..
ఖమ్మం జిల్లాలో జరిగిందీ ఘటన.. గార్లకు చెందిన శ్రీనాధ్ అనే యువకుడు , ఆ ప్రాంతానికే చెందిన రజని ప్రేమించుకున్నారు. పెళ్లి పేరుతొ ఆమెను శారీరకంగా లొంగదీసుకున్నాడు. అయితే రజనీని కాదని , మరో , యువతితో ఖమ్మంలో పెళ్ళికి సిద్దమయ్యాడు. పెళ్లి జరుగుతుండగా , ప్రియురాలు రజని ఎంట్రీతో సీన్ మారింది. అయితే ఆమె వస్తుందని అప్పటికే గ్రహించిన శ్రీనాధ్ బంధువులైన మహిళలు , రజనీని దారుణంగా కొట్టి , జుట్టుపట్టుకుని ఈడ్చుకొని బయటకు లాగేశారు..